វៀតណាម តែងតាំងស្ត្រីមួយរូប ធ្វើជាប្រធានសភា ជាលើកដំបូងក្នុងប្រវត្តិសាស្ត្រ
01-April-2016 | ដោយ មែន កំសត់
ហាណូយ៖ សភាជាតិរបស់ប្រទេសវៀតណាម នៅមុននេះបន្តិចបានសម្រេចតែងតាំងលោកស្រី Nguyen Thi Kim Ngan ឡើងធ្វើជាប្រធានសភា និងជាស្ត្រីដំបូងមិនធ្លាប់ក្នុងប្រវត្តិសាស្ត្រ នៃប្រជាជាតិអាស៊ីអាគ្នេយ៍មួយនេះ។ នេះបើតាមការផ្សាយរបស់ទីភ្នាក់ងារព័ត៌មានចិនស៊ិនហួរ នាព្រឹកថ្ងៃព្រហស្បតិ៍ ទី៣១ ខែមីនា ឆ្នាំ២០១៦។
លោកស្រី Ngan បានទទួលការបោះឆ្នោតគាំទ្រ ៤៧២ លើ ៤៨១សំឡេង និងស្បថចូលកាន់តំណែងជាប្រធានសភា ក្នុងសម័យប្រជុំលើកទី ១១ នៃកិច្ចប្រជុំសភាលើកទី១៣ របស់សភាទីក្រុងហាណូយ នាព្រឹកថ្ងៃព្រហស្បតិ៍នេះ។ ក្រៅពីតំណែងជាប្រធានសភានេះ លោកស្រីក៏ត្រូវបានសមាជិកសភា បោះឆ្នោតគាំទ្រឲ្យធ្វើជាប្រធាននៃក្រុមប្រឹក្សាបោះឆ្នោតជាតិ ដោយសំឡេង ៤៦៧ លើ ៤៧៧ផងដែរ។
គួរបញ្ជាក់ថា លោកស្រី Ngan មុននឹងក្លាយជាប្រធាននេះ លោកស្រីធ្លាប់កាន់តំណែងជាអនុប្រធានសភា ចាប់តាំងពីខែកក្កដា ឆ្នាំ២០១១ មកម្ល៉េះ៕
ចំនួនអ្នកទស្សនា
- ថ្ងៃនេះ2441
- ម្សិលមិញ3161
- សប្តាហ៍នេះ19861
- ខែនេះ72761
- ឆ្នាំនេះ327701
- សរុប19555147